ပန်ဝါ
ဆိုတဲ့ ကချင်ပြည်နယ်ရဲ့ အရှေ့မြောက်ဖက် တရုတ်ပြည်နယ်စပ် နဲ့ ထိစပ်နေတဲ့
မြို့ဟာ ကချင် အထူးဒေသ (၁) ဌာနချုပ်ပါ။ ၁၉၈၉ ခုနှစ် ဗမာပြည်ကွန်မြူနစ်ပါတီ
(ဗကပ) ကျရှုံးချိန် ဇခုန်တိန်ယိန်း ဦးဆောင်သော မြောက်ပိုင်း ဗကပ အဖွဲ့ဟာ
အစိုးရ နဲ့ ငြိမ်းချမ်းရေး ယူပြီး New Democratic Army Kachin (NDAK)
ဆိုတဲ့ နာမည်နဲ့ ရပ်တည်ခဲ့ပါတယ်။ ဇခု
န်တိန်ယိန်းဟာ
ကိုယ်ကျိုးမက်သူပီပီ အရင်တုန်းက ကေအိုင်အေ မှာ တပ်မှူးဖြစ်ခဲ့သော်လည်း၊
တရုတ်အစိုးရမှ ကေအိုင်အေကို ကွန်မြူနစ် လုပ်ရင် အစစ အရာရာ ထောက်ပံ့မယ် လို့
ကမ်းလှမ်းခဲ့တဲ့ အချိန်၊ ကေအိုင်အေက လက်မခံ ခဲ့သော်လည်း၊ သူ ဦးဆောင်တဲ့
အဖွဲ့တချို့ဟာ ကွန်မြူနစ်ဖက် ပြောင်းသွားပါတယ်။ ကေအိုင်အေဟာ အစကတည်းက
ဒီမိုကရေစီ အတွက် တိုက်ပွဲဝင်နေတာပါ။ ဇခုန်တိန်ယိန်း အဖွဲ့ကတော့
နောက်ပိုင်း ကွန်မြူနစ် ကျခါနီးမှာ ငြိမ်းချမ်းရေးယူတော့ ကွန်မြူနစ်ကနေ
နေ့ချင်းညချင်း ဒီမိုကရက် နာမည်နဲ့ ငြိမ်းချမ်းရေး အဖွဲ့ လုပ်လိုက်ပြီး
ပန်ဝါ နဲ့ ကန်ပိုင်တီ တောင်ကြောတလျှောက် ထူထပ်လှသော ထင်းရူးပင်များကို
တရုတ်ပြည်သို့ ခုတ်ရောင်းနေခဲ့တာ ဆယ်စုနှစ် နှစ်ခု တောင်
လုပ်စားလိုက်ရပါတယ်။ ထင်းရူးပင်များမက ပါဘူး။ အထူးဒေသ (၁)
ငြိမ်းအဖွဲ့နာမည် နဲ့ ကုမ္မဏီ များထူထောင်ပြီး သတ္ထုတူးဖေါ်ရေး နှင့်
ကျောက်စိမ်း၊ ရွှေ တူးဖေါ်ရေးများ မှလဲ တရုတ် လုပ်ငန်းရှင်များ နှင့်
ပူးပေါင်းပြီး အနစ်တွေ အများကြီး ထုတ်ယူလိုက်ရပါသေးတယ်။ နောက်ပိုင်း ဒေသ
ဖွံ့ဖြိုးရေး ခေါင်းစဉ်နဲ့ ရေအားလျှပ်စစ် စက်ရုံထောင်ခြင်း နှင့် တရုတ်
ကာစီနီု (လောင်းကစားရုံ) အကြီးစားတွေလဲ ပန်ဝါ အထက် ချမ်းယိန်းခူးနယ်မှာ
အကျယ်တ၀န့် ဆောက်ထားပါသေးတယ်။ ဒါတွေမကပါဘူး၊ လက္ဖက်ခြံတမျော်တခေါ်လဲ
လုပ်ထားပါသေးတယ်။ NDAK တပ်ဖွဲ့ထဲမှာ သူ့ခေတ်ပြိုင် အကြီးအကဲများကို
ဖယ်ထုတ်လိုက်ပြီး၊ သူတို့မိသားစု တခုထဲနှင့် လုပ်ငန်းအားလုံးကို
လည်ပတ်စေပါတယ်။ NDAK စစ်တပ်ကို ဘယ်လို ဖယ်ထုတ်လိုက်ရမှန်း မသိဖြစ်နေတဲ့
အချိန် မြန်မာ အစိုးရ ရဲ့ နယ်ခြားစောင့်တပ် အစီအစဉ်ဟာ သူတို့ မိသားစု အတွက်
အခွင့်ကောင်း ဖြစ်ခဲ့ပါတယ်။ NDAK ထဲမှ ရာထူးကြီးပြီး ၀ါရင့်များကို
လက်မခံပဲ ငြိမ်းချမ်းရေးယူပြီး နောက်ပိုင်းမှ ၀င်လာသော
အသက်အငယ်ပိုင်းများနှင့် နယ်ခြားစောင့်တပ် တပ်ရင်း သုံးခု
ဖွဲ့စည်းလိုက်ပြီး၊ ဗမာ စစ်တပ်အောက်ကို ထိုးအပ်လိုက်ပါတယ်။ ထို့နောက်တော့
NDAK ခေတ် အဖွဲ့ပိုင် ဓနအားလုံးကို သူတို့မိသားစု ပိုင် အလိုအလျှောက်
ဖြစ်သွားပါတော့တယ်။ နယ်ခြားစောင့်တပ်ကတော့ သူတို့ ကျွေးစရာမလို၊ အစိုးရက
လစာပေးထားနေပြီ။ တနည်းပြောရမယ် ဆိုရင် မြန်မာ အစိုးရ ကို
သူ့တပ်ဖွဲ့အားလုံး ရောင်းလိုက်တဲ့ သဘောဖြစ်ပါတယ်။ ရလတ်အနေနဲ့ NDAK ပိုင်
ပစ္စည်းအားလုံး သူတို့မိသားစုပိုင် အနေနဲ့ တရားဝင် ပိုင်ဆိုင်ခွင့်ပါ။ ဒါကို
ကချင်အမျိုးသားရေး အမြင်ရှိတဲ့ သူ့ တပ်ဖွဲ့ဝင် တချို့က မကျေနပ်ပါဘူး။
သူတို့ကို ရောင်းစားတယ် ဆိုပြီး ကွယ်ရာမှာ ပြောနေခဲ့ပါတယ်။ သို့သော်
ပန်ဝါမှာ ပြိုင်ဖက်မရှိ အရှိန်အ၀ါ ကြီးမားလှတဲ့ သူတို့မိသားစု ကို ဘယ်သူမှ
ပွင့်ပွင့်လင်းလင်း မဝေဖန်ရဲပါ။ သို့သော်... ကေအိုင်အေ နှင့် အစိုးရကြား
တကျော့ပြန် စစ်ဖြစ်လာတဲ့အခါမှာ.. အရင်က သူ့ တပ်မှူးတချို့ဟာ ကေအိုင်အေကို
ကမ်းလမ်းလာပါတော့တယ်။တကယ်တော့ ပန်ဝါကို စတိုက်တုန်းက အားလုံး ကေအိုင်အေ
မဟုတ်။ NDAK တပ်ဖွဲ့ဝင်ဟောင်းများ ဖြစ်သည်။ အခုလည်းပဲ သူတို့ နဲ့
ထိပ်တိုက်ရင်ဆိုင် တိုက်နေတဲ့ အဖွဲ့ဝင်တွေကို ကေအိုင်အေ တပ်ရင်း တခု အနေနဲ့
သတ်မှတ်ထားပြီး နယ်ခြားမှတ်တိုင် (၆) ၀န်းကျင်မှာ တပ်စွဲထားသည်။ ကချင်
စစ်စစ်များကတော့ သူတို့မိသားစု နောက်ကို မလိုက်ပါ။ တချို့
ကိုယ်ကျိုးစီပွါးရေးသမား အနည်းငယ်လောက်သာ ကျန်နေတာပါ။ စစ်ပြေးဒုက္ခသည်များဟာ
ပန်ဝါ ဖက်ကို မပြေးပဲ နယ်ခြားမှတ်တိုင် (၆) ဖက်မှာ တပ်စွဲထားတဲ့ ကေအိုင်အေ
တပ်ဖွဲ့သစ်ထဲကို ပြေးဝင်တာကို ကြည့်ခြင်းအားဖြင့် သူတို့ကို ပြည်သူတွေ
အယုံအကြည့် မရှိမှန်း သိသာသည်။နယ်ခြားစောင့်တပ် ဆိုသည်မှာလဲ ဗမာစစ်တပ်
နှင့် ရောနှောထားသော NDAK လက်ကျန် တချို့သာ ဖြစ်သည်။ သူတို့ မိသားစု
အနေနဲ့ ကချင်မျိုးနွယ်စုထဲက လချိပ် လူမျိုး အမည်ခံထားပေမယ့်၊ ရိုးရာကတော့
တရုတ်ရိုးရာ ပိုလုပ်ပါတယ်။ ကိုးကွယ်တဲ့ဘာသာ လဲ အတည်တကျမရှိ။
လချိပ်လူမျိုးတွေက ခရစ်ယာန်များတော့ နာမည်ခံ ခရစ်ယာန်ဖြစ်သွားတယ်။
နောက်တော့ ခင်ညွန့်ခေတ်မှာ ဗုဒ္ဓစေတီ ဆောက်ပေးပြီး ကန်တော့လိုက်သေးတယ်။
ပြီးတော့ တရုတ် ရိုးရာကန်တော့ပွဲ ပုံမှန် လုပ်တတ်လေ့ရှိတယ်။ တရုတ်နဲ့
ပေါင်းရင် တရုတ်လိုကျင့်တယ်။ ဗမာ နဲ့ ပေါင်းရင် ဗမာလိုကျင့်တယ်၊
ကချင်တွေဆီက အမြတ်ထုတ်ဖို့တော့ ကချင်နာမည် နဲ့ ကိုးကွယ်တဲ့ဘာသာ နာမည်
ယူထားတယ်။ မြစ်ဆုံဆည် စီမံကိန်း နှင့် တဆက်တစပ်ထဲ အင်မိုင်ခ
မြစ်ရိုးတလျှောက် တရုတ် CPI ရေအားလျှပ်စစ် စီမံကိန်းများ အတွက် ပန်ဝါမှ
ချီဖွေကို တိုက်ရိုက် ကားလမ်းမကြီး ဖေါက်စေခဲ့ပါတယ်။ ကားလမ်းမဟာ
ဒေသခံအိမ်ယာများကို ဖျက်စီးသော်လည်း တစုံတရာ လျှော်ကြေးမရတဲ့အပြင် လမ်းလုပ်
တရုတ်များရဲ့ အဆဲအဆိုပါ ခံခဲ့ရပါတယ်။ အေးရှဝေါနှင့် ပူးပေါင်းလုပ်သော
အင်မိုင်ခ ရေအားလျှပ်စစ်စီမံကိန်းဟာ အားလုံးပေါင်း (၅) ခုရှိတာပါ။
အမှန်ဆိုရင် မြစ်ဆုံ စီမံကိန်းထက် ပိုကြောက်စရာကောင်းတာ တွေ အထက်ပိုင်းမှာ
ရှိသေးတာပါ။ နယ်ခံများ အပြောအရ... ချီဖွေမြစ်ကို ပိတ်တုန်းက နေ့စား
လုပ်အားအတွက် ဒေသခံများကို တနေ့ ငါးထောင်ပေးမည်၊ ဆိုပြီး နေ့စားခေါ်တယ်။
တကယ်တော့ ငွေက တ၀က်ပေးပြီး ကျန်တ၀က်ကို ဘိန်းပေးလိုက်ပါသတဲ့။
နယ်ခြားစောင့်တပ်များကို အခွန်ဆောင်ပြီး တရုတ်လုပ်ငန်းရှင်များ
ဘိန်းစိုက်ခင်း အများအပြားလုပ်ထားရာ ဒေသ ကန်ပိုင်တီ တ၀ိုက်သို့ ၂၀၁၀
ဆောင်းတွင်းမှာ ကေအိုင်အေ ရဲ့ ဘိန်းခင်းဖြတ် စစ်ကြောင်းနဲ့ ဇခုန်တိန်ယိန်း
ရဲ့ နယ်ခြားစောင့်တပ် အဖွဲ့နဲ့ ထိပ်တိုက် တိုးခဲ့ပါသေးတယ်။ ဒါတွေကြောင့်လဲ
ကေအိုင်အေကို အခုထိသူတို့ မိသားစု မကြည်ပါ။ နောက်နောင်လဲ ကြည်မည်မဟုတ်ပါ။
ကချင်လူမျိုးကြားမှာ ဘုတိုက်နေတဲ့ မိသားစုကို ဗမာ စစ်တပ်ကတော့
မြောက်စားမြဲ မြောက်စားနေအုံးမှာပါ။ (တရုတ်လူမျိုးများရဲ့ ရိုးရာကို
ဝေဖန်တာ မဟုတ်ပါ။ လချိပ်လူမျိုးများကို ဝေဖန်တာလဲ မဟုတ်ပါ။ NDAK
အဖွဲ့သားများကို ဝေဖန်တာလဲ မဟုတ်ပါ။ ကချင်နာမည်ခံယူထားသော်လည်း ဒီလို
လူမျိုးခြား ရိုးရာ ဘာသာ ကိုးကွယ်တဲ့ လူတစ်ယောက်က ကချင်လူမျိုးတွေရဲ့
ခံစားချက်နဲ့ ဘယ်လိုမှ ထပ်တူရှိမဲ့လူ မဟုတ်ကြောင်း ထောက်ပြထားခြင်း
ဖြစ်ပါတယ်။)
By: Duwa Kachin
No comments:
Post a Comment