အိန္ဒိယနိုင်ငံတွင်ကမ္ဘာ့ဈေးအသက်သာဆုံးဟုဆိုရမည့်တက်ဘလက်တစ်မျိုးကို
ကျောင်းသားများ အတွက်တစ်လုံးလျှင် ဒေါ်လာ၂၀ခန့်ဖြင့်
ရောင်းချပေးခဲ့ကြောင်းသိရသည်။ ထိုတက်ဘလက်သည်
အမြန်ဆုံးပရိုဆက်ဆာ၊ကြာရှည်သုံးနိုင်သည့်
ဘက်ထရီများဖြင့်စီစဉ်ထားသည်ဟုဆိုသည်။
အာကက်ရ်ှဟုအမည်ပေးထားသည့်ထိုတက်ဘလက်ကိုအစိုးရနှင့်ပုဂ္ဂလိကတို့ပူးပေါင်းထုတ်လုပ်ထား
ခြင်းဖြစ်ပြီးအင်တာနက်ကိုအဓိကထားအသုံးပြုနိုင်စေရန်ရည်ရွယ်ထုတ်လုပ်ထားခြင်းဖြစ်ကြောင်း၊
အင်တာနက်သုံးစွဲခကိုလည်း
၁၀ဆင့်ဝန်းကျင်ခန့်နှင့် သုံးစွဲနိုင်စေရန်စီစဉ်ပေးထားကြောင်းသိရသည်။
အာကက်ရ်ှကိုယခုအခါဒုတိယမြောက်ထုတ်လုပ်ခြင်းဖြစ်သဖြင့်အာကက်ရှ်၂ဟုအမည်ပေးထားသည်။
ထုတ်လုပ်သူမှာ
ဗြိတိန်အခြေစိုက် Datawindကုမ္ပဏီမှ ဖြစ်ပြီး၊မူလအမှတ်၁ထက်ပရိုဆက်ဆာ
မြန်ဆန်မှုသုံးဆခန့်ပိုထားသည်။
မြင်ကွင်းမှာလည်းယခင်ထက်ကျယ်လာပြီး၊ဘက်ထရီအနည်းဆုံး၃နာရီခန်ခံလာပြီ
ဖြစ်သည်။
အိန္ဒိယသမ္မတပရာနဗ်မူခါဂျီးက
“နည်းပညာနဲ့သင်ယူလေ့လာနိုင်ဖို့ပညာရေးမှာအရေးကြီးပါတယ်”ဟုအဆိုပါတက်ဘလက်ကို
ပွဲထုတ်သည့်နေ့တွင်
ပြောကြားခဲ့သည်။
ပထမဦးဆုံးအာကက်ရ်ှတက်ဘလက် ၁ ကိုယမန်နှစ်
အောက်တိုဘာလကအစိုးရအနေဖြင့်ထုတ်ပေးခဲ့ခြင်းဖြစ်ပြီး၊ဘက်ထရီကြာကြာမခံသည့်
ပြဿနာများရှိခဲ့ကြောင်း၊ထို့ပြင်ရရှိသုံးစွဲနိုင်ရေးအတွက်လည်းအချိန်ကြာရှည်စွာ
စောင့်စားနေရသဖြင့်
ယခုအမှတ်၂ကိုထုတ်ရခြင်းဖြစ်သည်ဟုဆိုသည်။
အာကက်ရှ်၂ကိုအိန္ဒိယပုဂ္ဂလိကတက္ကသိုလ်တစ်ခုဖြစ်သည့် IIT
မှတီထွင်ခဲ့ခြင်းဖြစ်ပြီး၊ Googleထုတ်Android 4.0 ကို
ထည့်သွင်းအသုံးပြုထားသည်။ မြင်ကွင်းမှာ၇လက်မရှိသည်။
ပထမဦးဆုံးအာကက်ရှ်၂တက်ဘလက်လုံးရေ၁သိန်းကိုအင်ဂျင်နီယာ
ကောလိပ်ကျောင်းသားများကို
ရောင်းချပေးမည်ဖြစ်ပြီးတစ်လုံးလျှင် ဒေါ်လာ၂၀သာ
ပေးရမည်ဟုသိရသည်။အဆိုပါတက်ဘလက်များကို
ယခုအခါတက္ကသိုလ်စာအုပ်ဆိုင်တိုင်းတွင်
ကျောင်းသားများဝယ်ယူအသုံးပြုနေကြပြီဖြစ်သည်။
အာကက်ရှ်၂ကို ပြင်ပမှဝယ်သုံးလိုသူများအတွက် ရောင်းဈေးမှာတစ်လုံးလျှင်၆၄ ဒေါ်လာခန့်ပေးရမည်
ဖြစ်သည်။
အိန္ဒိယပညာရေးဝန်ကြီးဌာနလူသားရင်းမြစ်ဖွံ့ဖြိုးရေးဌာနမှ
ကောလိပ်ပေါင်း၂၅၀ရှိ ဆရာဆရာမပေါင်း၁၅၀၀၀ကို
အာကက်ရ်ှဖြင့်ပညာမည်သို့လေ့လာဆည်းပူးနိုင်ကြောင်းသင်တန်းများပေးထားပြီး
ဖြစ်သည်။
အိန္ဒိယနိုင်ငံတွင်
ယခုအခါအင်တာနက်သုံးစွဲသူပေါင်း၁၁၅သန်းခန့်ရှိနေပြီး၊ကမ္ဘာ့တတိယအများဆုံးအင်တာနက်
သုံးစွဲသည့်နိုင်ငံဖြစ်သည်။
maukkha သတင်းဌာနမှကူးယူသည်။
No comments:
Post a Comment